"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Canva AI 2.0 təqdim olundu

Canva süni intellekt əsaslı köməkçisinin yeni versiyasını təqdim edib. “Canva AI 2.0” adlanan yenilənmə ilə istifadəçilər artıq sadəcə mətn şəklində istəklərini yazaraq tam hazır və redaktə edilə bilən dizaynlar yarada biləcəklər.

Şirkətin bildirdiyinə görə, yeni AI köməkçisi istifadəçinin verdiyi tapşırığı analiz edir, uyğun alətləri özü seçir və bir neçə fərqli dizayn variantı hazırlayır. Hazırlanan dizaynlar lay-lar (qatlar) şəklində təqdim olunur ki, bu da istifadəçilərə sonradan istənilən elementi ayrıca dəyişmək imkanı verir. Yeni sistem xüsusilə dizayn sahəsində çalışan peşəkarlar üçün nəzərdə tutulub. Məqsəd onların iş prosesini daha avtomatlaşdırılmış, sürətli və stabil etməkdir. Canva bildirir ki, artıq istifadəçilər sadəcə “mənə minimalist Instagram postu hazırla” kimi bir tapşırıq verməklə nəticə əldə edə biləcəklər.

Bununla yanaşı, Canva AI artıq daha geniş imkanlara da sahib olacaq. Platformaya Slack, Google Drive, Gmail, Calendar və Zoom inteqrasiyası əlavə edilir. Bu sayədə AI istifadəçinin icazəsi ilə email-ləri, faylları, görüşləri və digər məlumatları analiz edərək daha kontekstual nəticələr təqdim edə biləcək. Canva həmçinin AI köməkçisinə internetdə araşdırma aparmaq imkanı verən “web research” funksiyasını da əlavə edir. Bundan əlavə, artıq istifadəçilər təkrarlanan tapşırıqları planlaşdıraraq AI-a arxa planda işləmək üçün göstəriş verə biləcəklər. Sistem nəticəni avtomatik paylaşmasa da, əvvəlcə qaralama hazırlayıb istifadəçinin təsdiqinə təqdim edəcək.